共 0 件產品

總額: HK$0.00

論壇

 回覆 345# 菠蘿新地 的帖子 返回上一頁     發表回覆

MauriceNg
[樓主]
我想攞個營運守則同份合約個d野去
因為發現呢間野犯左好多條內容
而且我份約d資料都未填齊就簽左話生效
內容又唔詳細清晰 又有手動更改 覺得好唔合理
又證明左佢冇詳細同強調過交易過程 毫無誠信同保證
係咁情況下如果參與療程可能有所損失同不公平對代
所以希望取消療程而且全數退款
再者一間咁既經營手法既美容院 消委會理應作出跟進同調查
唔好比佢影響香港美容業質數 造成其他人既損失
就算攞唔到d錢都唔要佢地好過

仲有攞d post去證明佢信譽好有問題
可能消委會都接左呢間野投訴多次
多人投同一樣野佢會做多d野

不過其實我應該去間野度理論左定投訴左先

0
引用 2013-01-17 02:15

  • Maitryi
    我有個同事都俾他們厄左
    你地几時有空一起上去？
    引用 2013-01-24 20:35
    0

  • TimeusJao
    Add左你whatsapp啦
    可以點幫到我地呀:043:

    引用 2013-01-24 21:49
    0

  • AcanitWan
    我都碌左card先上網search,,發現好多人都比e間野握,,唔知點算..碌左唔細數目
    打左去card centre,佢話只可以同商户傾cancel合約,,否則不能消過數
    明天會上去嘈要求退錢+報警

    請問各位受害sis而家點樣??
    聽日有無人可以一齊上去嘈??
    因事態危急,我又無uwants  acc,而家係借朋友acc係度留言求助,,
    哭求大家係度留言contact我,,(sor,因為我唔識咩係pm),
    大家聯手要求退錢
    引用 2013-01-24 22:30
    0

  • JoanChoi
    死啦......我昨天都中左招呀,
    咁你地會否有進一步行動????
    我現在要點做, 我joy左50次?鶩舁lan, 不過好彩我張咭有限額, 不過都唔抵呀, 比人騙左5000元...
    引用 2013-01-25 00:29
    0

  • Iva
    公司又改名了各位小心!!
    改名歷史:
    2011年6月16日 LONGWAY GARMENT LIMITED
    長達製衣有限公司
    2012年7月6日 NICE HIN TRADING LIMITED
    例偉軒有限公司
    2012年8月1日 NICE HIN TRADING LIMITED
    偉軒貿易有限公司
    引用 2013-01-25 09:15
    0

  • AgathaPoon
    我今晚都比佢呃左上公司呀...
    但係佢一講話要我做FACIAL又要我比錢..我就FEEL到佢呃人喇...
    但係而家都幾擔心自已D個人資料係佢地手上......
    同埋後尾發現左BOBO WONG 張卡片上面個DESIGNER 串左做DESIGER
    .....應該一早就發現係騙局既.!!!唉.........
    引用 2013-01-25 10:15
    0

  • AcanitWan
    > 你而家點??police其實理唔理
    死la點算a............................................................
    引用 2013-01-25 12:15
    0

  • Pratap
    死LA  我返屋企CHECK 先知 我都係咁GE 情況   
    比人呃左
    可唔可以攞返D 錢GA??
    引用 2013-01-25 18:08
    0

  • Maeve
    我畀左5000=.=如果唔係將卡冇limited佢應該會碌爆我張卡
    你係咪都係畀偉軒貿易呢間公司？
    佢地聽日有冇約你去fitting？
    引用 2013-01-25 22:37
    0

  • Bronwyn
    你上左去同佢講咩
    引用 2013-01-25 23:16
    0

  • Javan
    我比左2000佢= ="
    引用 2013-01-26 00:28
    0

  • 小新
    我想join呀~不過好少人留言咁既
    無咩最新情報睇到
    我想聽晚上去間野度
    但諗諗下有d淆底....
    引用 2013-01-26 09:59
    0

  • AlankritaL
    同我琴晚既遭遇一樣喎
    好彩我話冇帶任何銀行卡,又話冇錢係身,咁先至冇比佢呃
    果兩個戲子真係賤到冇朋友,周街搵人黎呃
    引用 2013-01-26 12:41
    0

  • AgathaPoon
    無呀...但係就比左D個人資料LOR..
    引用 2013-01-26 14:54
    0

  • Javan
    我琴晚都中招了 但係我冇比哂6000
    我驚佢會唔會追我比埋- -
    引用 2013-01-26 15:14
    0

  • Culver
    我尋晚都中招，從細到大都未試過咁樣俾人厄過嘅,.尋晚唔知攰定點發咩神經由跟啲咁可疑嘅人走仲要俾咗6000蚊買嗰20次facial
    引用 2013-01-26 18:16
    0

  • Culver
    好唔開心，尋晚中咗招之後的起心肝打電話同屋企人講，個個都話我傻同埋蠢。無啦啦冇咗6000蚊都好心痛仲要被人咁講真系想死。

    以前我自認都算有堤防心，街邊搭訕嘅人講嘢都唔會信。但尋晚唔知點解咁懵俾人搭訕都聽佢講嘢。個條X婆有鄉音，表面上好親切死問我有冇嚇親你啊，你系咪覺得好驚啊，其實我冇惡意噶，我只系想覺得你好啱做我地公司嘅fitting就想睇下你幫唔幫到我之類嘅嘢。講咗好耐仲越行越埋，唔知系咪放迷魂，但我聞唔好有煙味之類但就覺得佢hong得我好埋。跟住就傻更更跟咗佢去睇佢間公司了。入去驚細間嘢，系就系擺曬成堆衫喺度，但好核突。跟住帶咗我去一間房叫話有人幫我量身，跟住之後又有另外一個女人入黎話叫BOBO嘅Designer，自稱系新加坡人有一個仔一個女，個仔有1.9高之類嘅廢話。跟住就話我嘅身形啱佢地今次要搵嘅人，話咁啱公司走咗一個fitting就系我咁嘅size,話要結婚，仲摞咗啲相俾我睇，話你個又做乜嗰個又做乜嘅。跟住就話平時當part time咁做就得了，會就翻我地啲正職時間。一個鐘80-300幾不等，有時仲會1000左右咁。跟住就話因為我如果搵到人做我就唔洗登報紙，如果你唔做嘅話我聽日就要登報紙請人了，大把人會黎應徵但如果你肯當兼職咁做當學下嘢都好咁後生。一堆好似講到呢分工對我好大幫助咁。跟住就花咗好多時間去講做facial嘅嘢，又話香港好多人都自己俾唔到咁多錢都look 爆曬card去做facial，話佢哋要影相嘅時候希望個model影出嚟效果好，話自己好嚴謹，跟住就話你啲皮膚咁差有冇做facial啊?女人唔做facial唔得噶之類..其實我自己一直都冇諗過做facial,...但唔知點解嗰日鬼迷心竅咁跟咗佢去間美容院。跟住話299x100次個plan點抵點抵，就叫我去Join我話我而家儲咗啲錢都冇咁多，先做咗幾個月嘢，佢話你用信用卡咪得咯，佢哋可以幫你做分期噶，。我話我信用卡都冇，咁事實系嘛，我先做咗幾個月嘢冇都好正常姐。佢就喺度嫌三嫌四話：下?而家呢個年代都冇信用卡??香港人每個人最少都有1,2張啦，俾自己買嘢嘅時候萬一冇錢都可以信用卡俾住先嘛。對捂住！我嘅消費心態唔系咁。跟住我話我afford唔起，跟住佢又話咁50次呢?15000了，我話我都冇咁多錢，佢就話咁你可以俾到幾多丫，我話5000左右，跟住佢話拿，我幫你試下問佢20次得唔得了，我都唔一定講得掂噶，我啲同事都系買100次噶。跟住就死叫我我而家帶你去間美容院睇下得唔得，得嘅話聽日就嚟做咁。我嗰時都覺得呢條友好aggresive但又唔知點解冇意識到佢厄緊我，總之全程都好懵醒醒。

    去到美容院跟住一開口就20次就得咗了叫我即刻俾錢。佢嘅所謂皮膚測試我用肉眼都見到，黑眼圈，暗瘡印根本就唔需要佢嘅皮膚測試。跟住就摞合同俾我簽，仲留咗身份證號同住址真系想死！跟住我問EPS得唔得佢話部機壞咗，跟住乜都唔講個BOBO就叫我落去下面，都唔知落去下面做乜，我以為系下面有層系做美容，跟住坐電梯嘅時候就話帶我去gam錢，仲有兩個人跟住我一齊去。跟住個BOBO就話我有事走先了，聽日約定系6點半嚟試衫。

    跟住摞咗錢就俾咗跟住我落去嗰個人，跟住就叫我今日難得嚟就做埋一次先走。

    跟住又冇問我要做邊個項目，就開始幫我整，去粉刺啊敷面膜，跟住又話不如我幫你加個骨膠原嘅mask，等你吸收好啲，用多一個格仔嘅姐。跟住我就話哦，跟住整完整曬間嘢都就嚟關門了，跟住帶我去間房仔，個收我錢嘅人開始sell我頭先做嗰個骨膠原package，話我頭先做一次扣一個格仔唔抵，等於300蚊，你買20次plan就等於150蚊一次了，加多3000.我話我真系冇錢，佢話咁你俾住1000訂金先囖，聽日嚟補翻錢，我話我最近啲錢好緊張真系俾唔到，跟住佢就話咁你俾500喇，我話我都冇，佢話你俾100啦，我都要同公司交代噶，。我都唔知佢交代啲乜，但我都癡咗線咁俾咗100.

    跟住俾我照鏡話系咪好咗好多呢啲皮膚，我心諗，我自己買面膜敷仲好過你整！但我又唔好意思講，就話OK啦,,,

    其實我尋晚個tention一直都好低，一直都好似覺得好突然，成件事佢地一輪嘴講根本冇比我思考空間，成日叫人俾錢，我可能俾佢地個勢嚇親。

    但走咗之後個人清醒咗，約諗約唔憤，本身咁多錢都想瞞住屋企人，但真系好多錢，會俾屋企人問究竟去咗邊同埋我自己都覺得好唔憤，跟住就覺得打電話俾屋企人。

    今日我仲特登咋病請假去報警，好想今日可以解決件事。

    阿sir都已經見慣呢個案例，都喺嗰間嘢，跟住就話有個主管系負責呢個案件佢有比較多資料，仲寫咗個電話俾我話一陣佢會聯絡我，如果我有咩事就呢個電話call阿sir到。

    我頭先同阿sir講話我想試下話我皮膚過敏睇下可無可以摞翻錢，阿sir叫我試下，如果唔得就call警察，有可能摞唔翻但會儘量。

    啲錢如果可以摞得翻就最好，但摞唔翻就當自己買個教訓，，雖然真系好肉赤，但鬼叫自己懵咗。

    但呢啲咁嘅賤人唔可以俾佢繼續危害人間！

    我今日下午就去睇下可無可以退翻錢，如果唔得嘅話我就即刻call阿sir
    引用 2013-01-26 20:57
    0

  • Maeve
    sis,我今天都中招了，騙了5000，你最後有中招嗎
    引用 2013-01-26 23:06
    0

  • TimeusJao
    :angry: :angry: :angry: :angry:
    引用 2013-01-27 10:31
    0

  • Tadc
    原來仲有前身，好驚改下名就等於沒有追訴對象，到時報警都幫唔到我地

    2009年以前
    溢泰國際有限公司 + 儷焯中西美顏協會
    2010年
    高富製衣有限公司 + 完美醫學纖體中心
    2012年
    長達製衣有限公司 + 纖瘦堂
    ----------------------------------------------------------------------
    我打算報警同去消委會投訴，張張錢搣開都系血汗來噶
    其他sis會不會再一起去
    ________________________
    我都系啊，上個禮拜賴左野，到宜家先知，睇左幾個鐘個案，成晚個心系咁跳，完全唔敢同屋企人講，點算好啊

    引用 2013-01-27 13:47
    0
 1 2 >>

發表回覆：

bChat