共 0 件產品

總額: HK$0.00

論壇

 2012年美容騙案 返回上一頁     發表回覆

MinervaSue
[樓主]
以下幾年前的個案,今天前兩日一模一樣發生在我身上, 當時真係當局者迷, 我係想個MODEL,但見個中年女人咁熱係條街度,好慘咁,又話等人用,又話可以賺外快,就俾佢呃左上去, 最後我俾佢地呃左萬七蚊join左個50次美容療程.. 真係蠢到加零一,第二朝先醒覺, 跟住先知原來有咁多受害人
第二日我打左幾次去美容院度, 叫佢退錢.
第三日佢打黎話退5千,其餘要買佢d product, 我話佢地詐騙, 佢叫我唔好咁講, 話激嬲佢老闆, 一蚊都無得退, 我諗好多受害人都會接受, 但我真係接受唔到, 萬七蚊, 完全未用過佢d服務, 退得5千,連三份一都無, 我會繼續 去追討的!!!!!!!
我有個舊同學,原來佢幾年前都俾人呃左, 當時無追討, 唯有上去做facial, 每次狂sale佢, 佢再俾人呃多左錢, 如果唔受佢sale,佢就做得勁求其..依家佢都仲未做哂d facial, 仍然深受其害

請問還有受害人嗎? 請不要怕事, 大膽企出黎

最新的名稱
長達製衣
地址：九龍尖沙咀金馬倫道26-28號金壘商業中心10樓02室
纖瘦堂
地址：九龍尖沙咀金馬倫道12號恒信大廈17樓全層
=========================================

"溢泰國際有限公司 + 儷焯中西美顏協會 騙案受害者 "
2009年2月27日（星期五）
頭條日報 誘買美容療程榨取金錢 模特兒騙案未見減 「橋唔怕舊，最緊要受」，模特兒騙案的受害者不一定是青春少艾、靚仔靚女，其貌不揚的男女也可能成為目標。尖沙咀
出現一幫街頭騙徒，無論你高矮肥瘦，她都把你說成是市場渴求的試衫模特兒，有兼職工作介紹，但要先做一些美容療程令拍照時更為上鏡，當事主付錢後，工作卻是遙遙無期。

「?鶪k人年紀三十至四十，約一點五米高，帶有些少鄉音。」林小姐上星期行經尖沙咀金馬倫道，一名女子走近向她兜搭「你係唔係?大碼衫呀？」她之後自稱是製衣

公司職員，急需兼職試衫模特兒，每次工作有百多元酬勞。 女子見林小姐放慢腳步，知道有興趣，即時用酬勞來吸引她，「拍運動衫每次百二，拍時裝照就百五蚊一次」，

自認身材略胖的林小姐，從未想過自己有機會變成模特兒，加上酬勞吸引，心郁郁之下跟隨該女子到附近的商業大廈，到一家公司試衫。 事主多經不起游說 林小姐試了兩件

衫，公司一名自稱經理女子出現，迅速判斷林小姐符合公司試衫模特兒的要求，可以給予工作，但經理指林小姐的皮膚及身形，在工作期間必須保持現況，推薦

她到位於同一條街另一商廈的美容公司，進行皮膚測試。 經過簡單測試，美容公司職員向林小姐提議參加一個二百九十八元優惠價的美容療程，但要一

次過購買一百次服務，即二萬九千八百元，林覺得昂貴，有意打退堂鼓，製衣公司女職員即鼓其如簧之舌，表示公司不斷會有工作，付出的美容費用，很快就會賺回。

林經不起游說，終於取出信用卡先付六千元訂金，之後離開回家等消息，但林數度致電製衣公司詢問是否有工作，職員回覆都是「未有安排」，她致電美

容公司預約時間進行療程，職員同樣以時間已被人訂滿，未能安排。跟友人同樣遭遇 在一次偶然談話間，林小姐竟發現身邊一名朋友有同樣遭遇，而且付出的金錢石沉大海，她懷疑受騙決定到灣仔警署報案，但接見的警員了解後，表示林小姐與製衣公司沒有簽署任何合約，而美容公司提供美容療程，又沒有設定時限，因此認為對方沒有觸犯法律，警方無能為力。 事後林小姐輕歎：「呢個世界邊有咁大隻蛤乸隨街跳，六千蚊當買個教訓。」 本報曾經在去年三月十日獨家報道同類的模特兒騙案，事隔差不多一年，尖沙咀的騙徒仍然活躍，死而不僵。警方指去年全年，共接獲四千六百五十三宗涉及詐騙的案件，每天幾乎發生十三宗。

想請各受害者連絡我一起上去理論人多好做事
假如你還有金錢未取回, 而又害怕自己上去 請連絡我, 我想集合多d 受
害者一起上去攪大佢 我知道我一post 出來, 一定會有好多幸災樂禍既回應, 但希望大家係發出恥笑既回覆前, 想一想如 果這事發生在你家人既身上, 你會有何感受?

再者, 幸災樂禍既說話只會令受害者更加忍氣吞聲, 變相 助就呢d 騙 人公司橫行!!  希望大家多一點正義感, 仲出援手! 把這文轉貼到其他forum.
0
引用 2013-01-16 15:04
 1

發表回覆：

bChat